როგორც ვიცით, იოანეს გამოცხადებაში (13; 16-18) წერია: "და ყვნეს ყოველნივე მცირენი და დიდნი და მდიდარნი და გლახაკნი და აზნაურნი და მონანი, _ რაოთა მიიღონ ბეჭედი ხელსა მათსა მარჯუენესა ზედა, ანუ შუბლსა ზედა მათსა. და რაითა არავის ხელ-ეწიფებოდეს სყიდად ანუ გასაყიდად, გარნა რომელთა აქუნდეს ბეჭედი სახელისა მხეცისა მის, ანუ რიცხვ სახელისა მისისაი. აქა არს სიბრძნე; რომელსა აქუს გონება, აღიარრნ რიცხვ იგი მხეცისაი, რამეთუ რიცხვ კაცისაი არს რიცხვ ექუსას სამეოც და ექუს." ეს იმას ნიშნავს, რომ საუკუნეების წინ ქრისტიანები წინასწარმეტყველებდნენ ანტი ქრისტეს, ანუ სიკეთის საპირისპირო ძალის გამეფებას მსოფლიოში. ელექტრონული ბარათების შექმნა კი მათ არწმუნებთ რომ ეს არის დასაწყისი წმ. მამების წინასწარმეტყველების, რომელიც აუცილებლად მოხდება.
ამ საკითხისადმი სერიოზულ მიდგომას ამჟღავნებს სამების წმ. სინოდი, რომელიც გვაფრთხილებს, რომ დღეს ხმარებაში სემოსული ეს საკრალური რიცხვი აპოკალიფსური მნიშვნელობის მატარებელი სიმბოლოა.
საეკლესიო პირები განმარტავენ, რომ ქრისტიანები არ უარყოფენ ტექნიკასა და პროგრესს, როცა მას ადამიანი სასიკეთოდ იყენებს(ტელევიზია, კომპიუტერი, ვიდეო აპარატურა..), მაგრამ თუ ადამიანი კი არ იყენებს ტექნიკას, არამედ მისი მსხვერპლი ხდება და ეს ტექნიკა ბოროტებას ემსახურება, მაშინ ადამიანის ნების და თავისუფლების ხელყოფის ხარჯზე მოპოვებული ეკონომიკური თუ ადმინისტრაციული წინსვლა არ ღირს იმად, რომ ღვთისგან შექმნილი თავისუფალი კაცი, მონად გადაიქცეს.
No comments:
Post a Comment